Осы аптадағы аппарат кеңесі аудан әкімі Аманбек  Әмірхамзаұлы Қалжановтың төрағалығымен, аудандық мәслихат хатшысының, бөлім, мекеме, ұйым бастықтарының қатысуымен өтті.

Аудан әкімдігінің маманы Қ.Ж.Құдабаев ауданның кешенді экономикалық даму жоспарының орындалуы туралы сандық және талдама дерек ұсынды. Әрбір бөлім мен сала бойынша игі көрсеткіші қосымша жұмысты керек ететін тармақтары ақпар беруге негіз болды. Әсіресе білім беру, денсаулық сақтау, ауыл шаруашылығы жүйесіндегі мәліметтер ерекше алаңдаушылық туғызады. Өткен тоқсанмен салыстырғанда рейтингтік көрсеткіш төмендеді. 2011 жылдың базалық көрсеткіші жоғары болғандықтан оны жоғарылатуға күш салу қажет.

Әкім ауданның Кешенді әлеуметтік-экономикалық даму жоспары тармақтарының орындалуын, өздерінің кәсіби міндеттерін атқаруға  жауапкершілік танытуды талап етті.

Жалпы бөлім басшысы Хасымхан Хавджалел аудан әкімшілігіне жеке және заңды тұлғалардан түскен хаттар мен ауызша өтініштің  саны жөнінде егжей-тегжейлі баяндады. Азаматтардың арызының басым бөлігінде сапалы сумен, тұрғын үймен қамтамасыз ету, жер қатынастары және басқадай мәселелер қамтылған. Өткен жылмен салыстырғанда тұрғындардың өтініші көбейген.

Аппарат кеңесін аудан әкімі қорытты.  Аудан әкімі аппаратының басшысына, жетекшілеріне, орынбасарларына, ауданның жекелеген бөлім мен қызмет басшыларына нақты тапсырма белгілеп берді.