Ерейментау ауданының әкімі Нұғыманов Ермек Бекенұлы,  аудан әкімінің орынбасары Әлжанов А.Е., аудандық ардагерлер кеңесінің төрағасы Абдин Т.Қ., аудандық мәдениет және тілдерді дамыту бөлімінің басшысы Жылқыбаев С.Қ. және елге еңбегі сіңген ақсақалдардың қатысуымен, 22 қазан күні 2015ж. Бөгенбай батыр атындағы Ерейментау аудандық тарихи-өлкетану музейінде Қарттар күні мерекесі шеңберінде «Еңселі елдің ақылгөй ақсақалы» атты Ерейментауға белгілі тұлға- Бөкешев  Мейрам Сарсетұлымен  кездесу кеші өтті. Көп жылдары Ерейментау қиыршық тас зауытында инженер болып қызмет істеп ағамыз, зейнеттік демалысқа шыққан соң, «Қанжығалы Лабашы-Пұшқантай руларының тарихы мен шежіресі және эссе, әңгімелер, мақалалар», «Сағыныш немесе Мақажан ақсақалдың архивінен», «Ескерткіш Ғалиакпарға», «Сыр әуені» атты кітаптарды жарыққа шығарып, Ерейменнің біраз тарихын алға тартты. Бұл іс-шараға Бөгенбай батыр атындағы қазақ орта мектебінің 9 сынып оқушылары  ат салысып, кеш сұхбаттасу, әңгімелесу түрінде өрбіді. Сондай-ақ, музейде ақсақалдың тұрмыста және қызметте қолданған бұйымдарынан көрме  ұйымдастырып, шолу жасалды.